ကျွန်တော့်ဘ၀၏ အမှတ်တရအလွဲများ ( ၈ )

တစ်နေ့တော့ ကျွန်တော့်ကို ဦးလေးက ဖုန်းဆက်ခေါ်တယ်...

" City Hall ကိုလာခဲ့ပါလား... မင်းလည်းရောက်ကတည်းက အွန်လိုင်းပေါ်တက်လိုက်၊ သတင်းစာဝယ်လိုက်၊ အလုပ်လျှောက်လိုက် နဲ့ ငြီးငွေ့နေမှာပေါ့၊ ဒီမှာ မြန်မာ အစားအစာလေးဘာလေး စားရအောင် "

အဲဒါနဲ့ City Hall ကိုသွားဖို့လုပ်ပါရော... စကားမစပ် ကျွန်တော်နေတာက Blk 709 Yishun Ave 6 မှာနေတာ ခင်ဗျ...ကျွန်တော်တို့ အိမ်နဲ့ ဘူတာနဲ့ဆို လမ်းလျှောက်ရင် ၁၀ မိနစ် ၁၅ မိနစ်ဆိုရောက်ပြီ... စင်္ကာပူမှာ ကားကလည်း မစီးတတ်ဆိုတော့ ရထားစီးတာပဲ များပါတယ်... ရထားစီးရတာက လွယ်တာကိုး၊ နောက်ပြီး မြန်လည်း မြန်တယ်လေ... များသောအားဖြင့် အိမ်ကနေ ဘူတာကို လမ်းလျှောက်တာ များပါတယ်...

အဲဒီနေ့ကျမှ နေကလည်း ပူ၊ လမ်းကလည်း မလျှောက်ချင်တော့တာနဲ့ ကားစီးပြီးသွားဖို့ ကားမှတ်တိုင်မှာ သွားစောင့်နေလိုက်တယ်။ အဲလိုနဲ့ ဘူတာကိုသွားမယ့် ကားလည်းလာရော တက်လိုက်တာပေါ့၊ ၀င်ဝင်ချင်းမှာ ပိုက်ဆံဖြတ်တဲ့ စက်တစ်ခုရှိတယ်ဗျ... အဲဒီမှာ ကိုယ့်ကတ်ပြားကို ကပ်ရတာ... ကံကဆိုးချင်တော့ ကတ်ဒ် က ကပ်လိုက်လိုက်ချင်းမှာပဲ တီ...တီ...တီ ဆိုပြီး အနီရောင်ပြပြီး ထမြည်ပါရောလား... အဲဒါနဲ့ ဘာဖြစ်တာလဲပေါ့... အော... နောက်မှ ဦးလေးပြောတာ သတိရတယ် ပိုက်ဆံ မဖြည့်ရသေးဘူးကိုး။ ကတ်ဒ်ထဲမှာ ပိုက်ဆံမရှိတော့ရင် စက်က ဖြတ်မရပဲ ထထမြည်တယ်...

ကားသမားကလည်း ကြည့်နေတယ်။ ဒီကောင် ဘာလုပ်မလဲပေါ့... ကျွန်တော်လည်း ဒီလောက်တော့ ကိစ္စမရှိပါဘူးဆိုပြီး ပိုက်ဆံအိတ်ထဲက တွေ့တဲ့ ပိုက်ဆံကိုထုတ်ပြီး ခပ်တည်တည်ပဲ ကတ်ဒ် ဖြတ်လို့မရရင် ပိုက်ဆံထည့်ရတဲ့ အပေါက်ထဲ ထည့်လိုက်တယ်။ ထုတ်တုန်းက ထွက်လာတာက ငါးကျပ်တန်ခင်ဗျ... ကျွန်တော်လည်း ဘာရယ်မဟုတ်ပဲ ထည့်လိုက်တာ ပြီးမှ ကားသမားက ကွိစိကွစ နဲ့ ပြောပါရောလား... တရုတ်လိုပြောတာကို ပြောတာပါ... ကားသမားက အင်္ဂလိပ်လိုလည်း မတတ်ဘူးဗျ... ကျွန်တော်က အင်္ဂလိပ်လိုမေး သူက တရုတ်လိုဖြေနဲ့ ဟုတ်နေတာပဲ။ အဲဒီအချိန်မှာ သူ့အလိုလို နားလည်လာတာက ကျွန်တော့် ပိုက်ဆံ ပြန်အမ်းလို့ မရတော့ဘူး ဆိုတာပဲ...

အဲဒီတော့မှ ကျွန်တော့်မှာ ဇောချွေးတွေပြန်ပြီး ဘာလုပ်ရမှန်းမသိနဲ့ နောက်ဆုံးတော့ မထူးပါဘူးဆိုပြီး အဲဒီပိုက်ဆံထည့်လိုက်တဲ့ အပေါက်ထဲ လက်ထည့်ပြီး နှိုက်တာပေါ့... ဒါပေမယ့်လည်း မရပါဘူးဗျာ.. လက်က အဖျားပဲ ၀င်တယ် အောက်ဆုံးက ပိုက်ဆံကို မမိဘူးဗျ.... အဲဒါနဲ့ ကျောပိုးအိတ်ထဲက ၀ါးတူကို သွားသတိရတယ်။ ကံကဆိုးချင်တော့ ၀ါးတူက ၂ ချောင်းတောင် မရှိတော့ပဲ တစ်ချောင်းပဲ ကျန်တော့တာ... ကားသမားကလည်း တော့်တော့်ကို ပွစိပွစိ လုပ်နေပြီ... ဟုတ်တယ်လေ... စီးတာက ၂ မှတ်တိုင်ထဲ အဲဒီ ၂ မှတ်တိုင်မှာ ကားက ရပ်နေပြီ... ဘာလုပ်မှာလဲ ဆိုတဲ့ အကြည့်နဲ့ ကြည့်နေကြတာ...ကျွန်တော့်မှာ ရှိစုမဲ့စု တူကလေး တစ်ချောင်းနဲ့ ရအောင် ကလော်ပါသေးတယ်... ပိုက်ဆံက တဖြည်းဖြည်းတက်လာတော့ ၀မ်းသာအားရနဲ့ ရှိသမျှ အာရုံကို အဲဒီမှာပဲ စူးစိုက်ထားတာ... အဲဒီအချိန်မှာ ဗုံးပေါက်တယ်ဆိုရင်တောင် သိလိုက်မှာ မဟုတ်ဘူး...

ကံကလည်း ဆိုးလိုက်သမျှဗျာ... ၀မ်းသာလို့မှ မဆုံးသေးဘူး... ကလော်နေတဲ့ တူက ကျိုးသွားပါရောလား... ဘယ်လိုမှကို ကလော်လို့မရတော့ဘူး... ကားသမားကလည်း ပြောလိုက်သမျှ တစ်လျှောက်လုံး တစ်ခါမှ မရပ်ဘူးဗျို့... နောက်ဆုံးဘာမှလည်း လုပ်မရတော့မှ ဆင်းတော့မယ်ဆိုပြီး နောက်ကို ကြည့်လိုက်တော့မှ အားပါးပါး... ကျွန်တော့်ကို အထူးအဆန်းလိုမျိုး ကြည့်နေကြတဲ့ မျက်လုံးတွေက မနည်းပါလား... လူတစ်ကိုယ်လုံးလည်း ချွေးတွေရွှဲပြီး နုံးချိချိဖြစ်နေပြီ... ဒါပေမယ့်လည်း ရှက်တဲ့ စိတ်ကြောင့် ကားပေါ်က ပြေးဆင်းခဲ့ရတာပေါ့...

အဲဒီလိုလည်း ပြန်မပြောပြတတ်အောင် လွဲခဲ့ဖူးတာပေါ့....